الزائدة الدودية عند الأطفال وطرق علاجها والخطوات الواجب اتباعها 
مبدأيا لازم ناخد بالنا من نقطة مهمة جدا وخطيرة:
الزايدة لو فيها التهاب شديد و ماتعالجتش بشكل كويس وفي الوقت المناسب ممكن يحصلها انفجار داخل الجسم وفي الحالة دي ممكن تسبب عدوى خطيرة ومميتة !
عشان كده دايما بنأكد على أهمية التشخيص الدقيق ومعرفة الحالة الصحية للشخص المصاب لأن العلاج بيعتمد بشكل اساسي عليهم وبيختلف على حسب الأعراض والحالة العامة للجسم 
واحيانا ممكن يتم الاكتفاء بعلاج الالتهاب بالأدوية والمضادات الحيوية لكن في أغلب الحالات بتكون الجراحة هي الحل الأرجح لإزالة الزايدة تماما والحل ده بيجيب نتيجة ايجابية لمدة طويلة ممكن تستمر مدى الحياة.
زمان كانت العملية بتتعمل بالجراحة التقليدية بفتح شق جراحي في البطن لازالة الزايدة لكن حاليا مع استخدام المناظير الجراحية اصبحت اسهل بكتير عن الأول لأنها بتتعمل من غير فتح شقوق جراحية كبيرة وبيتم الاكتفاء بعمل فتحات صغيرة جدا لا تتعدى قطرها 1 سم وده بيساعد على تجنب حدوث مضاعفات او اثار جانبية للعملية وبالتالي وقت الشفاء منها بيكون سريع جدا.